Aty ku është paraja është pjesë e serisë Paraja ka rëndësi. Libri është shkruar në formën e një tregimi mbështetur në subjektet që ka dashur të shtjellojë autorja Nancy Loewen. Fëmijët informohen për çështje shumtë të rëndësishme në lidhje me paratë dhe se si përdoren ato. Nëpërmjet situatave reale jepen njohuri mbi çështje shumë të rëndësishme, siç janë kursimi, pagesat, fitimi. Drini shkon në punën e mamit, e cila punon në një bankë. Aty, ai mëson se çfarë pune bëjnë arkëtarët në bankë, shikon një llogari bankare, dhomën e sigurisë ku mbahen paratë, mëson se si merret një kredi dhe se çfarë është interesi i saj. Të gjitha këto veprime të personazhit të librit janë të ilustruara me cilësi dhe u japin fëmijëve edhe kënaqësi estetike bashkë me njohuritë që marrin.
Për klasën e tretë dhe të katërt