Libri “Aspekte të së drejtës së biznesit në Shqipëri” vjen si një tekst në vazhdën e trajtesave në fushën e së drejtës së biznesit. Teksti ka një shtrirje të gjerë duke përfshirë aspekte ligjore lidhur me koncesionet, prokurimet publike, tregtinë elektronike, tregjet financiare jo bankare, tregun bankar, sipërmarrjet e investimeve kolektive, mbrojtjen e konkurrencës, etj. Analiza e çështjeve të sipërpërmendura është bërë duke marrë në konsideratë një numër të madh ligjesh dhe aktesh nënligjore. Një vlerë të shtuar për punimin përbëjnë edhe rastet praktike të gjykatave vendase dhe të huaja, veçanërisht rastet e Gjykatës Europiane të Drejtësisë.