Përshkrimi

Studimi Në poetikën mjedjane nga autorja Edlira Macaj është një kontribut i dobishëm rreth studimeve mbi një nga figurat e mëdha të botës poetike shqiptare, të një poeti me ndjeshmëri të rrallë ekspresive dhe me një kulturë klasike të thellë, i cili ka shënjuar kthesa e rryma letrare që në fillimet e gjysmës së parë të viteve 1900 në Shqipëri. Hetimi zhvillohet “në gjallje, në vitet 1945-1990 e pas viteve 1990”, duke ofruar një panoramë të plotë të interpretimeve të poetit.
Punimi, është një “(ri) zbulim i poetikës” duke nisur nga një “(ri)lexim e teksteve poetike” nëpërmjet instrumenteve të ndryshme të hulumtimit (estetik, retorik, leximit semiotik), metoda të ndryshme të aplikuara në tekstin poetik që duhet të përveçojnë, dallojnë, dhe krahasojnë ripunimet, variantet dhe ndryshimet e për rrjedhojë transformimet në gjallje e pas vdekjes së autorit.