Përshkrimi

Pluku shëtiste me kamionin e tij me vinç në kërkim të një banese. Në Pallatin Gjigant gjendej një dhomë e lirë. Kur Pluku e mori vesh, u nis për atje. Dhoma në kullën e Pallatit Gjigant bëhet e tij. Më në fund ai bëhet me shtëpi. Aty ai zë edhe shumë miq si: buburrecin Zaza, Toli Topolaken, zotin Pen, Trokëllimat dhe Dlirëzën. Së bashku ata kalojnë aventura të shumta.
Një libër për t’u lexuar edhe së bashku me prindërit, për t’u argëtuar dhe për ta parë botën me pafajësinë dhe magjepsjen që vetëm fëmijëria di ta dhurojë.
Një kryevepër, që nuk duhet humbur e shkrimtares holandeze që ka marre shumë çmime, ku shijohet fitorja e më të dobëtit, e rrëfyer rrjedhshëm e me një ironi therëse të shëndetshme.
Nuk ka kufi fantazia në këto 40 histori që tregojnë situata nga më të ndryshmet që duken normale po në fakt gjithmonë shpalosin aventura dhe një problem për t’u zgjidhur.