Oferta dhe kërkesa është pjesë e serisë Të mësojmë për paranë. A keni shkuar ndonjëherë në dyqan për të blerë një lodër dhe nuk keni gjetur, sepse ajo lodër ishte mbaruar? Ose, ndoshta, një muaj më parë, luleshtrydhet shiteshin shumë lirë, ndërsa sot ato janë shumë të shtrenjta! Kjo ka të bëjë me kërkesën e ofertën dhe për këto koncepte mund të mësoni në këtë libër. Shpjegimi i kërkesës dhe ofertës është dhënë në mënyrë të thjeshtë, nëpërmjet shembujve të përditshëm nga jeta e fëmijëve.  Loja interaktive është shumë  interesante ku fëmijët ndahen dhe veprojnë si blerës dhe shitës.