Përshkrimi

“Torta e zezë” është një sagë familjare që flet për udhëtimin prej më shumë se gjysmë shekulli të një familjeje, me ëndrrat e saj zhgënjyese, dashuritë e mallkuara dhe sekretet e errëta. Romani debutues i Charmaine Wilkerson,  përqendrohet në historinë e Eleonora Benetit, një emigrante nga Karaibet e gjeneratës së parë 70-vjeçare që jeton në Kaliforninë Jugore. Vdekja e saj hap romanin. Dy fëmijët e saj të rritur, Beni dhe Bajroni, do të dëgjojnë një regjistrim që ajo ka bërë pak para vdekjes së saj, që tregon se sa pak dinë që të dy për nënën e tyre.
Në jetën e trazuar të Eleonora  Benetit, romani eksploron vetë natyrën e identitetit, mënyrën në të cilën kombinohen kulturat brenda familjeve dhe sesi brez pas brezi një familje formëson historinë e saj.
Thellësisht domethënës dhe i shkruar bukur, ‘Torta e zezë’ është një udhëtim i jashtëzakonshëm në jetën e një familjeje të ndryshuar përgjithmonë nga zgjedhjet e matriarkut të saj.