Tekst mësimor i cili në brendinë e tij shtjellon njohuritë bazë mbi filozofinë si dije dhe pse duhet studiuar. Duke u përpjekur të njihte më shumë, njeriu pushoi së shpjeguari botën përmes miteve. Ai filloi të kërkojë shkaqet e para të gjithësisë. Kështu lindi filozofia. Njeriu, sa më shumë mëson e di, aq më tepër kupton vetveten dhe veprimtarinë e tij, duke krijuar kështu botëkuptime të ndryshme dhe pikëpamje të ndryshme mbi atë çka është e mirë e çka është e keqe (i ashtuquajturi sistemi i vlerave). Filozofia ndërkohë i referohet shoqërisë dhe është në kërkim të njohjes së formave më të mira të organizmit të saj, në kërkimin e një jete më të lumtur. Në këtë kuptim, filozofia është dhe një dije që të mëson të jetosh, pra është një “stil jetese”. Në platformën digjitale http://mediaprint.al/libridigjital do të gjeni video, ushtrime interaktive, teste, përgjigje të ushtrimeve etj.