“Trashëgimia kulturore dhe natyrore” si trashëgimi pa kufi përmes bukurisë dhe vlerave të spikatura artistike, variacioneve të llojeve dhe monumenteve të rëndësishëm të kulturës e natyrës, në thelbin e saj përfshin edukimin tuaj me një kulturë qytetare mbareuropiane dhe ndërkohë formon drejt krijimin e personalitetit si qytetarë të botës. “Trashëgimia” krahas të tjerash, ndikon edhe në forcimin e ndjenjës së identitetit kulturor, në rritjen e respektit dhe promovimit të vlerave të trashëgimisë kulturore, integrimin e trashëgimisë sonë në jetën bashkëkohore të Shqipërisë dhe të shqiptarëve, si dhe në përkujtimin e veprës dhe jetës së personaliteteve të shquara të trashëgimisë dhe të gjithë atyre artistëve anonimë që i krijuan këto vlera ndër shekuj.  “Trashëgimia” do të shërbejë gjithashtu edhe për thellimin e njohurive në gjithë spektrin e gjerë të fushës së kulturës (materiale dhe shpirtërore), veçoritë dhe anët e përbashkëta të tyre. Trashëgimia dhe vlerat e saj do të shihen të lidhura ngushtë në raport me turizmin, mjedisin dhe edukimin ligjor në këtë fushë. Në platformën digjitale http://mediaprint.al/libridigjital do të gjeni materiale.