Botimi “Biologjia, shkenca e jetës”, është krijuar në 57 kapituj të organizuar në shtatë pjesë kryesore. Ky botim është një përpjekje shumëvjeçare që ngjiz në një të vetëm pasionin profesional dhe këmbënguljen për t’i ofruar një gjenerate të re biologësh, biotenologësh, mjekësh, farmacistësh, stomatologësh. Biologjia pritet të zgjidhë disa sfida të mëdha të njerëzimit që kanë të bëjnë me magjinë e jetës. Revolucioni biologjik pritet të zgjidhë sfida të qytetërimit të sotëm, sfida që lidhen me diagnostikimin dhe kurimin e sëmundjeve problematike, prodhimin e medikamenteve mbi bazën e profilit gjenetik të individit, zgjerimin e gamës së produkteve bioteknologjike, luftën ndaj urisë, përmes përmirësimit gjenetik të prodhimtarisë së bimëve dhe kafshëve shtëpiake, ruajtjen e biodiversitetit, ruajtjen dhe administrimin e mjedisit etj.