“Shkruajmë me shkronja dore” është botimi i ri i Profesor Bahri Beci, autor i Abetares “Hap pas hapi”, të cilën e ka krijuar për fëmijët e klasës së parë. Përgjatë rrugës së tyre për të mësuar shkronjat shqipe ky botim i ndihmon fëmijët të ushtrohen në shkrimin e shkronjës përkatëse të dorës jo vetëm veç e veç po edhe në fjalë dhe fjali. Po kështu është e rëndësishme që fëmijët të aftësohen jo vetëm t’i shkruajnë shkronjat veç e veç por edhe t’i lidhin me njëra- tjetrën çka përbën një vështirësi që duhet kapërcyer nga fëmijët. Teknika e të shkruarit është realizuar me mjaft profesionalizëm dhe nxënësit ndihmohen me hapa, në fillim jepet një model më pas nxënësi punon vetë i orientuar nga kërkesat. Për çdo shkronjë është dhënë modeli, hapësira e nevojshme dhe largësia ndërmjet shkronjave, të cilat e ndihmojnë nxënësin gjatë të shkruarit. Botimi është realizuar mjaft bukur edhe nga ana grafike dhe shtypur me cilësi, duke plotësuar kështu të gjitha kushtet që fëmijët të punojnë dhe argëtohen.