Përshkrimi

Nëntë profesorë, një ngjarje akademike, një fenomen social që trondit nga themelet shoqërinë, mbolli drama njerëzore dhe inkurajoi kriza ekonomike të thella. Një libër që sjell të vërteta të rrëfyera me ngjyrime artistike, njerëz që përballen me sfida dhe sprova të jashtëzakonshme.
Një portretizim i disa personazheve që të vendosur në rrethana me ngjyrime të forta sa akademike, politike por edhe sociale bëhen protagonistë të ngjarjeve që besoj se do ta mbajnë lexuesin në kureshti deri në fund.
Vlerësim për librin – Diana ÇULI, shkrimtare
Në këtë libër ngërthehet me mjeshtëri trilli letrar me kronikën e një ngjarjeje të jetuar, duke u përftuar kështu një roman që pasqyron me realizëm një periudhë të parë të tranzicionit shqiptar, por në  mjedisin universitar, rrallëherë i trajtuar nga autorët tanë. I gjerë, i thellë, me një konflikt absurd në vetvete, por aspak i tillë për logjikën e atyre që e shkaktojnë, romani na hap dritare të reja mbi këtë botë ku duhet të sundojë vetëm respekti për dijen. Me gjuhë të rrjedhshme e të pasur, me personazhe që të nguliten në mendje, Fara e revoltës është një tjetër pasurim i letërsisë sonë.