Description

Një “thriller” historik, tronditës e befasues mbi rrjetin e spiunazhit që rrënoi një komb të tërë.
Në një botë të pushtuar nga frika, kujt mund t’i besosh?
Kristiani jeton në një vend të shtypur nga një diktator i ashpër. Në moshën 17-vje¬çare ai ëndërron të jetë i lirë, të studiojë për filozofi dhe letërsi, por çdo gjë që ai bën, thotë ose edhe mendon, kontrollohet nga Shteti. Në këtë klimë dyshimesh të vazhdueshme, a mund t’i besojë ai shokut të ngushtë, të dashurës apo edhe vetë familjes së tij?
Kur policia sekrete e shantazhon, ai duhet të zgjedhë: Do të tradhtojë njerëzit më të afërt të tij apo do të rezistojë dhe do të rrezikojë jetën e njerëzve që do?
Çfarë çmimi do të paguanit ju për lirinë?

Vlerësime për librin
Një thriller i ri i fuqishëm, i cili bazohet në ngjarje të vërteta, nga autorja e romanit “Salt to the sea”, fituese e medaljes “Carnegie”. “Ky libër të mëson, po aq sa edhe të drithëron… Jo vetëm që përshkruan pasojat destabilizuese të të qenit i spiunuar, por të bën t’i përjetosh edhe ti vetë ato… Kjo është fuqia e tij.”
– The New York Times

“Një histori që të mban zemrën peshë… Autorja, me këtë vepër të saj, është bërë tribunë e një momenti historik dhe një zë i transparencës morale.”
– The Wall Street Journal

“Pak shkrimtarë arrijnë të kombinojnë, ashtu si Ruta Sepetys, një punë të madhe kërkimore me talentin, emocionet e forta të zemrës dhe perceptimin e thellë të fakteve. Një roman i shkëlqyer që duhet ta lexoni patjetër.”
– Kirkus Reviews

“Sepetys, edhe një herë portretizon me mjeshtëri një cep të errët dhe të harruar të historisë.”
– Booklist

“Libri i ri i Sepetys i përgjigjet kalibrit që lexuesit kanë pritur nga një autore, fokusi i së cilës në misteret historike e ka bërë që të jetë në qendër të vëmendjes për ata që pëlqejnë këtë zhanër letrar. Sepetys është një shkrimtare e jashtëzakonshme dhe librat e saj përfaqësojnë dëshirën për të shkruar në lidhje me problematikat globale të padrejtësive shoqërore.
Për të gjitha këto dhe për vëmendjen që ajo u kushton detajeve, ky roman ia vlen të lexohet.”
– School Library Journal

Rreth autores
Ruta Sepetys u lind dhe u rrit në Miçigan, në një familje të përkushtuar pas artit, letërsisë dhe muzikës. Bijë e një refugjati, Ruta gjithmonë i është përkushtuar rrëfimit të ngjarjeve të fuqishme të njerëzimit, për të cilat nuk është shkruar mjaftueshëm dhe ajo shpreson t’u japë zë atyre që nuk kanë mundur ta tregojnë historinë e tyre. Romanet e saj historike janë botuar në më shumë se gjashtëdhjetë vende dhe kanë marrë mbi dyzet çmime letrare. Ruta Sepetys konsiderohet një romancierë “crossover”, pasi librat e saj lexohen si nga adoleshentët, ashtu edhe nga të rriturit.