“Tsundoku”, arti i të pasurit libra të palexuar!

A mbani libra të grumbulluar pranë shtratit apo në bibliotekë, duke pritur momentin e duhur për t’i lexuar? Japonezët këtë zakon e quajnë “tsundoku”: dashuria për të blerë dhe ruajtur libra që ende nuk janë lexuar.

Ky zakon nuk lidhet me teprimin, por me kuriozitetin dhe dëshirën për të zbuluar gjithmonë diçka të re. Çdo libër i palexuar është një premtim për një udhëtim të ardhshëm, një ide apo një botë që pret të hapet.

Edhe shkrimtari Umberto Eco kishte mijëra libra të palexuar në bibliotekën e tij. Për të, ato përfaqësonin jo atë që dimë, por gjithçka që ende kemi për të mësuar.

Një raft me libra të palexuar nuk duhet parë si një mungesë kohe apo dështim, është shenjë dashurie për dijen, imagjinatën dhe botët që ende na presin.