Përshkrimi

Kultura shëndetësore është pjesë e kulturës sonë të përgjithshme dhe i referohet vlerave, besimeve, normave të sjelljes dhe qëndrimeve tona. Edhe kujdesi për veten, është çështje kulture. Ai është kyç për shëndetin dhe mirëqenien e përgjithshme.
Vetëm një informim i përditësuar mundëson njohuritë e nevojshme për të marrë vendime në favor të shëndetit dhe mirëqenies sonë. Por në botën e teknologjisë dhe dyndjes së informacionit të shpejtë, sfida është t’i referohesh burimeve të besueshme, që janë ato shkencore.
Vetëm njohuritë dhe praktikat e duhura na inkurajojnë të ndryshojmë sjelljet drejt atyre më të shëndetshme, për stilin e jetesës (si aktiviteti i rregullt fizik, ushqimi i ekuilibruar, shmangia e zakoneve të dëmshme, etj.). TOP FORM është një sintezë njohurish dhe praktikash bashkëkohore, në favor të një mënyre jetese të shëndetshme.

Në fund jemi vetë ne që bëjmë zgjedhjet tona.