Të njohim nobelistët e letërsisë botërore! Grazia Deledda, gruaja që e detyroi botën ta dëgjonte!

Ajo nuk kishte leje të ëndërronte. As të shkruante. As të ngrinte zërin. Por ajo i bëri të treja! 

Grazia Deledda lindi në Sardenjë, në një fshat ku gratë nuk kishin zë – kishin vetëm detyra. Ishte vetëm 9 vjeçe kur e hoqën nga shkolla. Jo se nuk ishte e zonja, por sepse ishte vajzë.

Gjithsesi, ajo vijoi të lexonte dhe të shkruante në fshehtësi, në errësirë. Kur ishte adoleshente, botoi tregimin e saj të parë në një revistë. Për të ishte një fitore e madhe, ndërkohë për të tjerët, një shkelje e rregullit të pashkruar: “Vendi i një gruaje është në kuzhinë, jo në faqe letre”. 

Edhe pse të gjithë ishin kundër, ajo ndërtoi një zë në heshtje. Fjalë pas fjale, u bë një zë që nuk mund të anashkalohej më. I vetmi që e mbështeti ishte Palmiro Madesani. Ai u bë mburoja e saj. Nuk u tremb nga suksesi i saj, përkundrazi, e ngriti më lart.

Në vitin 1926, Grazia Deledda u bë gruaja e parë italiane që fitoi Çmimin Nobel për Letërsi. Ky çmim nuk i erdhi rastësisht. Ajo e fitoi me penë, me guxim dhe me një zemër të pathyeshme.

Sot që fatmirësisht gratë janë fuqizuar,
kujtojmë me nderim Grazia Deleddan.
Sepse ajo shkroi për gratë që nuk kishin zë dhe u bë zëri i tyre. Historia e Grazias është një kujtesë: Që zëri i një gruaje mund të vonohet, por nuk mund të mposhtet përgjithmonë!