Lider në botime dhe imazh

"Shtyp me cilësi dhe kapacitet të lartë prodhimi"

Shqiptarët para pasqyrës

Shqiptarët para pasqyrës

Kategoria: Libra të ndryshëm

ISBN: 978-9928082381

Cmimi: 500

Pershkrimi:

Si i sheh shqiptarët një anglez

Ky libër përshkruan zakonet dhe karakterin e shqiptarëve. Ai është dashamirës, realist, ndonjëherë dhe i hidhur, por gjithmonë me stil humoristik dhe shpesh ironik.

Autori i librit Alan Andoni kaloi vitet e shkollimit të tij në Angli, Irlandën e Veriut dhe Skoci. Interesi i tij ndaj gjithçkaje shqiptare filloi në vitet ‘70, si një dëgjues i përkushtuar i transmetimeve të huaja në radio. Radio Tirana ishte veçanërisht e pëlqyer për të, për shkak të rrëfenjave surrealiste, por me plot emocion.

Vizitat përgjatë viteve në Shqipëri, e bindën se ajo ka diçka që të bën për vete, e cila është njëkohësisht pozitive dhe infektuese, për këdo që harxhon sado pak kohë të mjaftueshme atje. Ai kupton se ka një lloj alergjie ndaj planifikimeve të hollësishme, një dëshirë të zjarrtë për spontanitetin dhe një prirje për të kryer veprime të rastësishme mirësie. Ai, gjithashtu, përpiqet të bëj disa punë njëherësh, por si një mashkull i Europës Veriore, nuk e ka të lehtë këtë gjë.

Vlerësime për librin

Lexuesi përballet me figurën e përgjithësuar të shqiptarit që autori e ka vizatuar pas përvojës së tij në Shqipëri, e cila merr jetë sepse është vizatuar me dashuri, ironi dhe vërtetësi. - Fatos Lubonja

Duke lexuar këtë libër, në shumicën dërrmuese të pjesëve te tij gjeta veset vetjake dhe/ose te personave të tjerë, shqiptarë 24 karat, që i njoh personalisht e prej kohesh... Një libër që lexohet me endje dhe jep mundësinë të reflektosh e të përmirësohesh. - Artan Hoxha

Të thëna me dashuri nga një autor i huaj, uroj që shqiptari të ndryshojë ato që mund të ndryshohen në sjelljen e tij dhe të ruajë ato që ka ditur t’i ruajë në shekuj! - Zamira Çavo

Ky libër është një hulumtim, i parë nga një sy i tretë, i një britaniku, i cili na fton të shtegtojmë në një hartë të vizualizuar prej tij, plot shtresëzime, sjelljesh e mentalitetesh, ngjashmërish e kundërshtish. - Kujtim Çashku.